Mitambong sa disko gipusil krikital

CEBU, Philippines - Kritikal ang kahimtang   sa usa ka lalaki  nga  mitambong  og disko sa tinuig nga pangilin sa sitio Tabok, barangay Maslog, dakbayan sa Danao  sa  miaging kaadlawon.

Si PO2 Roselo Campo sa kapolisan sa maong dakbayan miila sa biktima  nga  mao si Jeffrey Arias, 27, ulitawo nga lumad nga taga barangay Guimbal, lungsod sa Compostela.

Matud pa ni PO2 Campo nga naglakaw na pauli sa ilang  balay ang biktima kuyog sa iyang mga higala nga nanulong og disko sa  sitio Tabok , sa barangay  Guimbal.

Si PO2 Campo nagkanayon  gisundan  sila  sa  tulo usab ka wala hiilhing mga lalaki ug ang usa niini maoy   miibot sa armas ug gipusil ang biktima.

Human masabak  sa abaga ang  biktima  nanagan dayon pahilayo sa maong dapit ang mga  kriminal ug ang biktima  gihatod dayon  ngadto sa Danao Provincial Hospital  apan gibalhin kini  ngadto  sa Vicente Sotto Memorial Medical Center sa dakbayan sa Sugbo.

Si PO2 Campo  miingon  nga  padayon  nilang  gipangita  ang  maong  mga  kriminal.  (BANAT NEWS)