Most wanted sa Toledo nadakpan
CEBU, Philippines - Nadakpan na gyud ang gihulagway nga number one most wanted sa dakbayan sa Toledo kinsa nakuhaan usab og armas diha sa Sitio Cipress Barangay Dumlog dakbayan sa Toledo. Ang nadakpang most wanted giilang si Floriano Barazon, 48, kinsa dunay kasong murder ug uban pang mga krimen. Siya nakuhaan og .357 revolver nga adunay sud nga lima ka buhing bala.
Gawas kaniya nadakpan usab si Margarito Barazon, 41, kinsa nakuhaan usab og usa ka .357 revolver nga may 4 ka buhing bala.
Matud pa ni Chief Insp. Michael Anthony Bastes, hepe sa Toledo Police si Barazon adunay warrant of arrest sa kasong murder nga gi-isyu ni Judge Ruben Altobar sa Regional Trial Court (RTC-) Branch 29.
Si Bastes nagkanayon nga usa ka sakop sa gun for hire si Barazon ug gikahadlokan kini sa ilang dapit tungod kay kusog kaayong manghulga sa mga silingan ug magpakita-kita sa iyang armas. (BANAT NEWS)
- Latest
