TF Tabanao duna nay lead
CEBU, Philippines - Duna nay lead ang Task Force Tabanao sa kaso sa pagpatay sa kanhi tigbalita ug tigpamaba sa Philippine Drug Enforcement Agency nga si Jessie Tabanao.
Kini human madawat sa mga imbestigador ang resulta sa digital forensic examination sa cellphone ni Tabanao nga gisusi sa Criminal Investigation and Detection Group.
Sumala pa sa hepe sa City Intelligence Branch (CIB) Chief Inspector Romeo Santander dako og natabang ang impormasyon nga nakuha nila sa mga cellphones ni Tabanao ug ilabi na gyod sa mga kasayoran nga gihatag sa mga tawo kanila.
Gitan-aw sab sa Task Group kun diin gikan ang mga mensahe, missed calls sa maong cellphones.“We are looking for possibilities, angles regarding atong incoming messages, ug mga missed calls nga na-register sa cellphones ni Jessie Tabanao,†asoy ni Santander.
“Dunay ikatabang sa investigation for instance ang last nga ni-text sa iyaha kun unsang orasa, kun asa sila ug asa sila padulong,†subay ni Santander.
Malaomon si Santander nga makombinsir nila ang mga saksi aron dali nga masulbad ang maong kaso.
Samtang walay gihatag nga time frame ang hepe sa Police regional Office 7 Chief Inspector Danilo Constanino alang sa kasolbaran sa maong kaso kay matod pa niini nga dili angay dali-dalion ang imbistigasyon sa kapolisan.
“Hindi naman natin dapat minamadali ang investigation, specific dapat yong gusto nating puntahan,†matud ni Constantino. Sumala pa ni Constantino nga naa sa saktong direksyon ang imbestigasyon sa dakbayan sa kaso ni Tabanao ug miingon kini nga tugotan unta nga mahuman sa kapolisan ang ilang imbistigasyon. (BANAT NEWS)
- Latest
