Dela Cuesta hulipan sa katungdanan

CEBU, Philippines - Gitakda  na  usab  nga  hulipan  si Cebu Customs Collector  Eduardo dela Cuesta isip  hepe  sa maong buhatan.

Kini  human  pabalika sa ilang  kanhiay nga  puwesto  ang  mga  opisyal  ug  kawani  sa  BOC  base  sa mando  sa  ilang  mga  labaw’ng  opisyal.

Sila  si  Customs Commissioner Rufino Ruffy Biazon ug Finance Secretary  Cesar Purisima  sa  miaging  semana mimando sa tanang  kawani  ug  opisyal sa  BOC nga "Return to Permanent Plantilla Positions."

Si  Dela Cuesta na mismo   maoy mipahibawo nga nakadawat usab kini og kamanduan nga pahulipan  siya ni District Collector Ricardo Belmonte   kinsa kasamtangang nadestino sa BOC didto sa  Manila International Container Port ( MICP).

Si Belmonte maoy  nadestino  dinhi  sa Sugbo nga gihulipan  ni dela Cuesta ug  karon si Belmonte  ibalik  sa karaan  niyang  puwesto  dinhi sa Sugbo. Sigun sa report, si dela Cuesta  kutob na lamang sa  Martes sunod semana  ug moasumir usab sa iyang kanhiay nga posisyon si Belmonte.

Giingong mohulip usab ni Belmonte sa MICP mao si District Collector Ding So sa Ninoy Aquino International Airport (NAIA). Samtang si dela Cuesta gikataho usab nga gidestino didto sa kaulohan ug maoy mohulip ni District Collector Ding So sa NAIA.

Ang gipatuman   nga paglahugay  sa mga District Collector gipasubay gihapon sa gipagawas nga kamandoan ni Biazon   nga gipirmahan usab ni Finance Secretary Cesar Purisima.  (BANAT NEWS)