Wagas na-acquit sa kasong estafa
CEBU, Philippines - Gibali sa Korte Suprema ang ruling sa trial court sa pagkombikto ni kanhi mayor sa Compostela, Gilbert Wagas sa kasong estafa.
Si Associate Justice Lucas Bersamin nagkanayon nga base sa ebidensya klaro nga wala mapamatud-i nga si Wagas ang nakig-transact kang Alberto Ligaray, reklamante sa 200 ka sako nga bugas niadtong tuig 1997.
“Perforce, the accused’s constitutional right of presumption of innocence until the contrary is proved is not overcome, and he is entitled to an acquittal, even though his innocence may be doubted,†matud pa sa desisyon.
Niadtong Hulyo 11, 2002, ang lower court midesisyon nga guilty si Wagas ug gisentensyahan og 12 ngadto sa 30 ka tuig nga pagkapriso.
Si Ligaray mipasangil nga niadtong Abril 30, 1997 nakadawat siya’g tawag gikan ni Wagas nga mi-order og 200 ka sako nga bugas humay pinaagi sa telepono. Giingong gibayran siya niini og tseke nga P200,000 apan sa pag deposito niya niadtong Mayo 8, 1997 giingong miuntol kini kay way pundo.
Matud pa nga ang bayaw ni Wagas nga si Robert Cañada maoy mihatud sa tseke ug midawat sa mga bugas, apan si Wagas sa iyang bahin miingon nga tinuod nga nihatag siya og tseke apan wala siya nakig-transaksyon kang Ligaray kay di sila kaila.
Sumala pa ni Wagas ang tseke iyang gihatag kang Cañada isip bayad niya sa propiyedad niini nga wala usab mahinayon og baligya.
Matud ni Bersamin pakyas ang prosekusyon pag-establisar nga guilty ang akusado. Apan bisan na-acquit si Wagas gimandoan gihapon siyang pabayran ang P200,000 ni Ligaray isip actual damages ug legal interest nga sayes porsiyento kada tuig.
“Nevertheless, an accused, though acquitted of estafa, may still be held civilly liable where the preponderance of the established facts so warrants. Wagas as the admitted drawer of the check was legally liable to pay the amount to Ligaray, a holder in due course,†matud pa sa korte.(/EIM) (BANAT NEWS)
- Latest
