MNLF misibog, Malik missing

CEBU, Philippines - Nailog na sa kasundalohan ug kapolisan ang gihimong kampo sa mga rebeldeng Moro National Liberation Front apan wala na igkita pa ang commander nga si Habier Malik.

Way nahimo ang mga rebelde nga mapugngan ang mas kusog nga pwersa sa militar dihang gitutokan ang KGK Building sa R. Lustre Street nga maoy gidudahang gihimong headquarters ni Malik ug iyang mga sakop.

Duna pay usa ka lugar nga gitutokan karon sa kapolisan nga gituohang didto sila midagan human mapatay ang kadaghanan sa mga rebelde ug daghan usab ang mi-surrender.

Samtang sa kadagatan, duha ka dagkong pumpboat nga gituohang gamiton unta sa mga moikyas nga MNLF ang nasakmit sa mga sakop sa Philippine Navy. Ang mga patrol boats mirakrak sa mangrove area diin nakigsinukliay og bala ang nahibiling mga MNLF.

Gatosan ka mga hostages ang nakaikyas ug ang uban gibuhian na lang sa MNLF tungod kay dili na nila sila madala tanan.

Nagtuo si Lt. Col. Ramon Zagala sa report sa GMA News.TV nga buhi pa si Malik ug nagbalhil-balhin lang og mga balay nga gitagoan, mipasalig hinuon ang AFP nga di nila tugotang makagawas si Malik sa Zamboanga City.

Samtang miabot na sa dul-an 70 mil ang evacuees sa nagkadaiyang evacuation center lakip na sa usa ka barko sa Philippine Navy. (BANAT NEWS)