Tag-iya sa napunitang belt bag midayeg sa polis
CEBU, Philippines - Nauli na sa tag-iya ang belt bag nga dunay mga dolyares ug identification cards ug credit cards nga nakit-an sa usa ka polis kagahapon sa alas 9:30 sa buntag sa Cebu City Police Office.
Gigakos ni Erlinda Fleming si SPO3 Isagani Ceniza dihang nadawat na niya ang iyang belt bag nga nahibilin sa usa ka taxi nga may dul-an sa usa ka gatos ka libo ka pesos nga kwarta.
Matod pa ni Fleming nga nagtuo siya nga mauli ra kaniya ang maong belt bag sanglit wala man gyud siya batia og kakulba.
Gihunghongan (reward) ni Fleming ang maong polis apan mitubag kini sa langyaw nga ang iyang pahiyom igo na.
“Your smile is enough for me,†matud pa ni Ceniza ngadto kang Fleming.
Dako kaayo ang pasalamat ni Fleming kang Ceniza ug miingon siya nga si Ceniza angayang sundon sa ubang polis ug gigakos niya kini agi sa pagpasalamat kaniya.
Matod pa ni Fleming nga ang maong kwarta gamiton nila sa pagpa-chemotherapy sa iyang anak nga may kanser dinhi sa Sugbo.
Si Fleming usa ka retiradong kawani sa U.S. Department of Defense sa Alaska ug pipila na kini ka higayon nga nakabisita sa Pilipinas sanglit naminyo man diri sa Sugbo ang iyang anak.
Si Fleming naabot dinhi sa Sugbo niadtong Septiyembre 10 ug molarga balik sa Alaska sa unang semana sa sunod bulan. (BANAT NEWS)
- Latest
