Most wanted person nasikop sa kapolisan

CEBU, Philippines -  Nadakpan sa kapolisan ang most wanted person  nga  nag-atubang og kasong murder didto sa sitio San Antonio , barangay Guinsay sa dakbayan sa Danao alas 11:00 pasado ang takna kagahapon sa buntag.

Ang nadakpan mao si Gary Latonio, 23 , nga nag-puyo  sa maong  lugar.

Ang team sa kapolisan nga gipangulohan ni Senior Inspector Binondo sa kapolisan sa maong dakbayan maoy nakasikop kang Latonio. Si PO2 Roselo Campo sa kapolisan sa maong siyudad nga nahinabi sa Banat News miingon nga dugay na nilang gipangita ang maong dinakpan kay  milayas  kini human  mapatay  ang iyang silingan.

Gipasakaan og kaso nga murder ang maong suspetsado nga maoy nakaaghat kang RTC 7 Judge Jerry Dicdican sa pagluwat og warrant of arrest sa miagi pang tuig. Gitanggong karon sa  prisohan sa kapolisan sa maong dakbayan ug  ugmang adlawa ilang ipresentar sa korte ang maong dinakpan  aron  adto  kini  ibalhug  sa  Cebu Provincial Jail. (BANAT NEWS)