Publiko giawhag pagkaon og bugas-mais
CEBU, Philippines - Giawhag karon ang katawhan nga tun-an na ang pagkaon og bugas-mais inay ang naandan nga bugas- humay tungod sa pagsaka sa presyo sa bugas tungod sa giingong nga pagnihit sa supply sa bugas- humay sa kamerkadohan karon.
Hinuon giklaro sa Sugbuanong Agriculture Under Secretary Dante Delima nga ang mga Sugbuanon nakatabang sa pagkunhod sa konsumo sa bugas-humay dinhi sa Kabisay-an tungod kay daghang mangaon dinhi og bugas-mais.
Gipahibawo ni Delima nga sigon sa ilang statistics sa matag tuig ang usa ka tawo mokunsumo og 114 ka kilo nga bugas -humay apan dinhi sa Sugbo, sigon sa ilang record, 52 kilo nga bugas -humay lang ang average nga konsumo sa usa ka tawo matag tuig.
Iyang gituohan nga ang kinabag-an nga mga Sugbuanon mas ganahan nga mokaon og bugas- mais inay bugas -humay.
Duna na karoy imbestigasyon nga gihimo ang gobiyerno batok sa mga dealers ug grain retailers nga gidudahang nagtago sa mga supply aron paburoton og maayo ang presyo.
Ang National Food Authority kon NFA mipasalig sa katawhan nga wala’y shortage sa suplay sa bugas-humay sa nasud.
Niadtong milabay’ng State of the Nation Address ni Presidente Benigno Aquino III nga wala’y shortage ug dili na magnihit ang suplay sa bugas sa nasud ug mo-menus na ang importasyon niini. (BANAT NEWS)
- Latest
