CCMC OB-Gyne Ward di una manawat og pasyente

CEBU, Philippines - Cebu City Medical Center mipahigayon og general cleaning ug nag-disinfect sa OB-Gyne Ward ug ingon man delivery rooms maong dili una sila manawat og mga manganakay.

Ang mga pasyenteng manganak adto lang una dad-on sa Vicente Sotto Memorial Medical Center sugod niadtong Septiyembre 2 hangtud sa Septiyembre 16.

Suma pa ni Dr. Gloria Duterte, ang hepe sa CCMC gawas sa manganakay, dili usab sila makadawat og pasyente nga mabdos nga makuhaan ug kadtong nagkinahanglan nga operahan.

Gawas pa niini, kinahanglan pang i-repair ang pipila ka mga pasilidad ug ekipo sa sud sa maong mga lawak.

Ang maong kalihokan gikinahanglang himuon matag tuig aron patyon ang mga kagaw sa maong mga lawak. (BANAT NEWS)