P17M cash assistance alang sa apektado sa oil spill
CEBU, Philippines - Giaprobahan na sa kaulohan ang P17,152,000.00 nga cash assistance alang sa mga apektadong pamilya gumikan sa oil spill.
Matud sa pangulo sa Protective Services sa Department of Social Welfare and Development (DSWD) Shalaine Lucero nga ang kantidad gamiton sa “cash for work†sa mga mangingisda, mga tindera ug mga pamilya nga naapektuhan ang panginabuhian tungod sa grabeng epekto sa oil spill.
Suholan ang inadlaw nga pagtrabaho sa mga mananagat sud sa napulo ka adlaw og P245.00 kada usa nga motabang sa clean-up operations ug pagtanom og bakhaw didto sa lungsod sa Cordova.
Matud ni Lucero base sa ilang record ang apektadong pamilya sa Cordova (3,201), Talisay (2,325) ug Lapu-lapu (2,454) ug nakadaghan pa.
Ang kwarta dako kini nga tabang sa mga pamilya sa pang adlaw-adlaw nga gasto tungod kay nawad-an sila og panginabuhi tungod sa oil spill ug angayan lamang nga taplan silaâ€, matud ni Lucero.
Ipatawag karong adlawa sa Incident Management Team (IMT) ang mga opisyal sa Cordova, Municipal Health Officer, Local Disaster Risk Reduction and Management Council aron tukion ang lista ug plano sa mga proyekto didto sa Cordova ug unsaon nila pagpahigayon sa mga proyekto gumikan sa kadako sa kantidad. (/EIM) (BANAT NEWS)
- Latest
