Mga sakit mugna sa mga mananap ug insekto angay bantayan— DOH 7
CEBU, Philippines - Giawhag sa Department of Health (DOH) ang katawhan nga moduol sa mga health centers aron mahatagan og libreng tambal batok sa gitawag nga mga Neglected Tropical Diseases (NTD). Kining maong mga sakit gikan sa mananap o mga insekto nga wala kaayo hatagi og pagtagad sa mga magbabalaod.
Sumala pa sa World Health Organization (WHO) adunay 17 ka klase sa mga NTD sa kalibotan ug unom niini ang anaa sa Pilipinas, kini naglakip sa bitok sa tiyan, Leprosy ug Rabies.
Si DOH ASec. Paulyn Jean Rosell-Ubial sa Second National NTD Stakeholders Forum nagkanayon ang DOH mitagana og P500 million budget alang sa mga tambal batok sa NTD nga ipangbutang sa mga health centers sa nasud. Nakadawat sab sila og tambal gikan sa mga dagko nga kompanya isip donasyon apan dili tanan ang nakahibalo sa libreng ayuda sa DOH batok sa NTD.
Ang DOH nagpatabang na sa Department of Education (DepEd) aron mahatagan og libreng purga ang mga bata apan dunay mga ginikanan nga nagduha-duha niini.
Karon gustong pangusgan sa DOH ang kampanya batok NTD sa pakigbisog gihapon sa DepEd batok sa NTD ug ilusad ang mass treatment sa mga bata.
“There are other diseases that still possess public health threat. These diseases are causing unnecessary public suffering. However, these could be effectively eliminated and controlled from the face of the Philippines,†matud ni Ubial. (BANAT NEWS)
- Latest
