Ex-convict gipatay
CEBU, Philippines - Usa ka giingong ex-convict nga giingong nalambigit sa ginadiling drugas ug pagpangawat ang natusak sa bala human pusila sa wala pa mailhing tawo kagahapon sa kaadlawon sa Barangay Sac-Sac, Consolacion.
Si Roel Semblante, 41, habal-habal driver ug taga 144 Sitio Calubihan, Barangay Poblacion Occidental, nakit-an na lang nga nagbuy-od sa gawas sa tungod sa gate sa Assist Philippines Inc. nga usa ka home for the aged.
Si Semblante nakaangkon og samad pinusilan sa dughan ug tiyan nga maoy hinungdan sa iyang hinanaling kamatayon.
Ang kawani sa API giingong nakadungog og tulo ka mga sipang buto sa armas apan wala na nila tan-awa kung unsay nahitabo sa gawas ug anang pagkabuntag na nila nadiskubre ang lawas ni Semblante.
Si Consolacion police chief, Chief Insp. Marlon Gumabao mibutyag nga si Semblante tigamitan og drugas. Siya usab maoy gitumbok nga tighatod sa mamalitay ug mamaligyaay og drugas sa maong lugar.
“Ginagamit siya to transport buyer and seller of drugs pero user lang siya,†matud ni Gumabao. Napriso na usab si Semblante niadtong tuig 2000 tungod usab sa drugas. (BANAT NEWS)
- Latest
