Gullas may giklaro sa iyang PDAF
CEBU, Philippines - Upat ka kongresista sa Sugbo samtang tulo niini ang wala na sa pwesto ang gilambigit sa giingong sayop nga paggasto sa ilang pundo nga gitawag og Priority Development Assistance Fund (PDAF).
Sila mao si kanhi kongresista Eduardo Gullas sa unang distrito; Ramon Durano VI sa ikalimang distrito; Nerissa Soon-Ruiz sa ikaunom nga distrito; ug Kong. Gabriel Luis Quisumbing sa ikaunom nga distrito.
Sila si Gullas ug Durano giingong nihatag sa ilang pundo balor og tag P9 milyones matag usa ngadto sa Philippine Forest Corporation.
Laing mga non-government organizations ang nakadawat usab og pundo gikan sa mga kongresista sa niaging tuig pinaagi sa Department of Agriculture.
Ang Gabay at Pag-Asa ng Masa Foundation giingong nahatagan usab ni Gullas P225 mil samtang ang Kabuhayan at Kalusugang Alay sa Masa Foundation Inc. nakadawat og P900 mil gikan kang Quisumbing.
Apan si Gullas mihimakak nga mga bogus ang maong mga NGO nga nakadawat sa ilang pundo sanglit accredited kini sa hingtungdang ahensiya sa gobyerno.
Gitumbok ni Gullas ang P225 mil nga gipaagi sa DA alang sa mga binhi nga gipang apod-apod ngadto sa mga mag-uuma.
Wala hinoon makakuha og rekord si Gullas labot sa P9 milyones nga gihatag ngadto sa PFC. “God knows, I have not done anything wrong there,†matud ni Gullas. Matud pa ni Gullas nga iyang gipanalipdan ang iyang kredibilidad sa 28 ka tuig niyang pangalagad.
“I protect my credibility, mauwaw ko sa gibilin nga maayong ngan sa akong amahan that’s the only inheritance I have aside from UV, the legacy of papa , the good name,†dugang pa ni Gullas. (BANAT NEWS)
- Latest
