Mga flights sa MCIA gikanselar ug nadelatar

CEBU, Philippines - Tungod sa pagka-paralisar sa Metro Manila ug ubang bahin sa Luzon tungod sa pagbaha dala sa hanging habagat pipila ka mga flights gikan sa Mactan Cebu International Airport kagahapon.

Ang gikanselar kasagarang mao ang mga flights nga padung sa Metro Manila samtang ang uban nadelatar sa ilang paglupad.

Base sa facebook account sa MCIA-Cebu walo ka mga flights sa SeaAir ang gikanselar; tulo ka flights usab sa Philippine Air Lines ang gikanselar ug usa ang na-delatar. Samtang unom usab sa Cebu Pacific flights ang gikanselar nga naglakip sa Cebu Pacific 5J 564. Ang nakanselar mao ang Philippine Airlines PR 849/850, PR 853/854, PR 855/856 Cebu-Manila-Cebu.

Sumala pa sa report sa Balitang Bisdak kagahapon, ang public information sa MCIA nga si Mary Ann Dimabayao mibutyag nga gibahaan ang mga runways sa Ninoy Aquino International Airport. Ang Metro Manila pabiling gihulga sa pagbaha tungod sa bagyong Maring nga giduyogan usab sa makusog nga hanging habagat  nga nagdala usab og mga pag-ulan sukad sa milabay’ng adlaw. (BANAT NEWS)