9-anyos nga babaye gilugos una patya?

CEBU, Philippines - Gisuspetsahan  sa kapolisan  nga  gilugos  sa wala  pa  patya  ang usa  ka  batang  babaye  nga  napalgan  didto  sa kasagbutang bahin  sa Hoopsdome  sa  barangay  Gun-ob, dakbayan sa Lapulapu kagahapon sa buntag.

Ang biktima mao si Ella Lasala, 9-anyos, ug residente sa maong dapit.

Sa pasiunang imbestigasyon ni SPO1 Alan Pantalleon ug PO2 John Carlo Jocutan nasayran nga samtang nanglimpiyo ang mga sakop sa Clean and Green program  sa maong dapit ilang napalgan ang usa ka patay’ng lawas sa usa ka batang babaye nga hubo na ang ubos nga bahin sa sapot niini.

Sa pagresponde sa kapolisan nagduda kini nga gilugos ang maong bata sa wala pa kini patya.

Gumikan niini ipaubos sa autopsy ang lawas sa bata aron masuta kung gipanamas-tamasan  ba  ang  pagkababaye  niini .

Ang biktima gipangita sa mga kabanay   sa miaging  gabii   kay wala kini mahiuli sa ilang panimalay.

Ang  mga  ginikanan  sa biktima  gibati  sa hilabihang kaguol  human  makita ang  ilang anak  nga wala  nay  kinabuhi. (BANAT NEWS)