Illegal settlers sa 93-1 lots demolison

CEBU, Philippines - Mga illegal structures ug kabalayan nga ilegal nga gipangtukod sa sud sa Provincial Lot 93-1 nga nahimutang sa onse ka barangay sa siyudad sa Sugbu hayan i-demolish sa lalawigan.

Ang kadagkuan sa Provincial Real Estate Division sa Kapitolyo nga gipangulohan ni Paul Entera miinspeksyon sa mga luna sa 93-1 ug nakabantay sa kadaghan na sa mga namuyo niini.

Si Entira miingon nga tataw kaayo nga nakalapas sa unang kasabutan tali sa mga nagpuyo sa maong luna ug sa probinsiya tungod kay gihimo kini boarding houses, tindahan ug videokihan.

Matud pang Entira, socialized housing program unta ang gusto nga mahitabo sa Kapitolyo aron kapuy-an sa mga tawo. Tungod niini, posibleng ipa-demolish sa Kapitolyo ang maong mga estraktura.

Ang resulta sa inspeksyon iyang ipasa kang Gov. Hilario Davide III aron mahibawo ang gobernador sa mga kalapasan sa kasabutan sa mga residente sa 93-1 ug sa lalawigan sa Sugbo. (/EIM) (BANAT NEWS)