Naigo sa kilat patay

CEBU, Philippines - Patay nang napalgan sa asawa ang bana niini nga gidudahang naigo og kilat samtang nanguling sa ibabaw nga bahin sa ilang lugar diha sa bukirong bahin sa Sudlon Uno ning siyudad Huwebes sa gabii.

Usa ka lalaki human kini gituohang naigo sa kilat pasado alas 7:00 niadtong Huwebes sa gabii didto sa Sitio Morga, Brgy. Sudlon 1 dakbayan sa Sugbo.

Ang biktima nailhan nga si Roben Racaza, 49, nga taga Sitio Biasong, Barangay Bonbon sa dakbayan sa Sugbo giingong nananghid sa asawa nga si Concordia Racaza  kay manguling kini sa Sitio Morga sa barangay  Sudlon Uno.

Apan nahibulong si Concordia nga nagabhian na lang wala pa gihapon makauli ang bana hinungdan nga giapas kini sa ginang didto sa sitio Biasong.

Iyang napalgan  ang  bana nga naghigda sa yuta ug wa na kini kinabuhi, daling mibalik sa pinuy-anan ang ginang ug nangayo og tabang sa mga silingan nga mao usab ang mipahibalo sa barangay hall   sa Bonbon ug gitawag usab sa kapolisan. Base sa paghiling sa lawas sa biktima nagpakita kini nga daw naigo kini sa kilat tungod kay nasunog ang lawas niini. Samtang ang sinina niini daw miagi usab og pagkasunog ug adunay nigawas nga dugo sa ilong niini. (/EIM) (BANAT NEWS)