Nasunogan sa Toledo City gitabangan sa kapitolyo
CEBU, Philippines - Mga nasunogan sa Don Andres Soriano sa siyudad sa Toledo gihatagan na og hinabang sa Kapitoyo.
Dunay 25 ka mga pamilya nga apektado sa sunog niadtong miaging semana nga gitunolan sa Provincial Social Welfare and Development Office pinangulohan ni Evelyn Senajon.
Ang gipanghatag naglakip sa tag tulo ka kilong bugas humay, de lata, kaldero, banig, moskitero ug uban pang kagamitan sa panimalay.
Uban ni Senajon sila si bokal Gigi Sanchez –Zaballero sa tersiro distrito sa Sugbo ug Toledo City vice mayor Antonio Yapha sa pag-apod-apod sa maong mga hinabang.
Ang kapitan sa DAS nga si Jeffrey Cabrera mihangop sa ayuda nga nadawat sa mga apektadong pamilya gikan sa kagamhanan sa Kapitolyo.
Gibutyag ni Cabrera nga si Toledo City Mayor John Henry “Sonny†Osmeña una nang mihatag og tag P10mil nga ayuda sa mga apektadong pamilya wala pay labot sa ayuda gikan sa barangay. (/EIM) (BANAT NEWS)
- Latest
