Sex-for-flight Senate inquiry gihimo

CEBU, Philippines -Tulo ka mga kanhi overseas Filipino workers miatubang sa Senate inquiry kagahapon ug gisaysay ang pait nila nga kasinatian gikan sa mga kamot sa mga diplomats sa embahada sa Pilipinas diha sa Saudi Arabia. Usa ang OFW nga nagpailang si "Michelle,"  miakusar kang labor attache  Antonio Villafuerte sa Riyadh nga misuway og  lugos kaniya sud sa  labor office niadtong bulan sa Mayo.

"Pagpasok ko po doon bigla niya po akong hinila. Nagawa niya po akong isandal sa pader. Hindi ko po inexpect na ganoon siya. Bigla niya po akong hinalikan," matud pa sa maong kanhi OFW atubangan sa mga senador.

Laing OFW nga si "Angel," kinsa nabiktima sa pagpanglugos sa iyaha mismong employer ang mireklamo tungod sa kagrabe kabastos sa pamaagi pag-interbyu kaniya ni Villafuerte nga maoy iyang gidangpan human siya moikyas sa iyang agalon.

"Hindi ko po inaasahan na itatanong iya ang mga sobrang kabastusan... Tinanong niya po ako: Na-rape ka ba talaga? Masarap ba?" matud pang Angel.

Samtang ang OFW, nga nagpailang si "Analiza," mireklamo usab bahin sa “sexual abuse” nga binuhatan ni Villafuerte.

Si Villafuerte pulos mihimakak sa mga alegasyon batok kaniya dihang gipangutana sa mga senador bahin niini.

Ang Senate inquiry gihimo tungod sa giingong "sex-for-flight" scheme sa mga Philippine labor offices ug mga embassies didto sa Middle East. Biktima sa sex-for-flight scheme mao kadtong mga Filipina nga naabuso na sa ilang mga agalon nga milayas ug midangop unta sa maong mga opisyal aron magpatabang. (Gikan sa Wires/EIM)