Mga batan-on gibansay sa RAFI
CEBU, Philippines - Human masud-ong sa mga lider sa mga batan-on gikan sa Argao, Cebu ang kaugmaran sa Kool Adventure Camp (KAC) sa Ramon Aboitiz Foundation Inc. (RAFI), ilang nahukman nga ihatag ang labing maayong serbisyo sa ilang komunidad.
Ang KAC alumni nagsukad sa Alliance of Argawanon Young Leaders (AAYL) kinsa mibansay sa mikabat sa 60 ka mga batan-ong lider pinaagi sa mga nagkalainlaing duwa.
Usa ka seminar workshop nga gisalmotan sa taga Argao National High School, Argao Youth Heritage Society, Chiro Youth Movement, Canohoy Youth Organization, Mandilikit Youth, Youth for Christ, Talaga National High School, Bulasa National High School, and Parish Youth Coordinating Council. Ang maong workshop, nga gipahigayon usa ka panagkunsabo tali sa AAYL ug sa Play for Peace International, usa ka komunidad sa pagkat-on sa tibuok kalibotan aron ang mga kabataan magkahiusa , ingon man ang mga hamtong ug mga kapunongan sa pagduwa. Magdungan sa pagpangatawa, pamalandong ug pagpatugbaw sa kalinaw.
Sumala sa usa sa mga misalmot, ang mga duwa nakapahinumdom kanila sa kabililhon sa pakighiusa sa ubang mga batan-on bisan pa kun gikan sila sa ubang mga kapunongan.
Midugang siya nga matag tumong ila gyud nga makab-ot kun ang mga membro makakat-on lang sa pagbukas sa hunahuna samtang makigsuod sa ubang mga lider nga ilang kauban. Ang KAC usa sa mga programa ubos sa Leadership & Citizenship nga gipunting sa RAFI diin magsukad ang mga lider ugma damlag nga makahimo sila og aktibo nga kaakohan sa mga dagkong kausaban.
Ang ubang lugar nga gitun-on sa RAFI mao ang Integrated Development, Micro-finance & Entrepreneurship, Culture & Heritage, and Education. Ang KAC, mitanyag og mga programa sa pagsuroysuroy alang sa mga lider ug kaugmaran sa mga kabataan ug sa mga professional.
Kini ang KAC’s Leadership Adventure Program nga gilusad sa unang lugar nga midawat niini, ang Pilipinas kansang sentro sa edukasyon mao ang lungsod sa Balamban, Cebu kaniadtong Mayo 2-13. (BANAT NEWS)
- Latest
- Trending
