Retired teacher nalumos

CEBU, Philippines - Patay na nga napalgan ang 70- anyos nga retired public school  teacher nga naglutaw -lutaw sa dagat didto sa barangay Tangbo, sa lungsod sa Samboan  sa miaging  buntag.

Giila  sa kapolisan  ang  maong  magtutudlo  nga  si Anecito Bendanillo, 70, ulitawong guwang, nagpuyo sa maong lugar ug retirado  na sa pagka-maestro.

Matud ni PO1 Ramon Catubig sa Samboan Police Station  nga nahinabi sa Banat  News ang mga nanginhas sa maong lugar  maoy nakadiskobre sa  patay’ng lawas niini nga naglutaw sa dagat.

Nasayran  nga si Bendanillo sagad kining mamatikdan sa mga molupyo nga manginhas ug magsuroy suroy sa baybayon matag buntag sayo.

Gituohan sa mga molupyo nga nalumos kini samtang naligo sa dagat  ug  walay  nakatabang.

Ang mga kabanay ni Bendanillo nagtuo nga way foul play ang kamatayon  sa maong maestro. (BANAT NEWS)