Pusher sa danao na buybust
CEBU, Philippines - Wala makaugpo sa buybust operation sa kapolisan ang usa ka 23 anyos nga lalaking gipasanginlang tigpayuhot og ilegal nga drugas sa barangay Maslog, dakbayan sa Danao alas 3 pasado ang takna sa miaging kaadlawon.
Ang nadakpan mao si Kimberly Pepito, nagpuyo sa maong dapit kinsa nakuhaan sa kapolisan og duha ka paketeng gituohang shabu ug marked money nga P500.
Si PO1 Junrics Gabutan sa kapolisan sa maong dakbayan miingon nga nakadawat sila og kasayuran gikan sa usa ka concerned citizen sa maong lugar labot sa illegal nga kalihokan sa maong dinakpan.
Matud pa ni Gabutan nga kini maoy nakaaghat kang Inspector Romeo Caacoy sa pagpahigayon og buy bust operation pinaagi sa ilang kaubang polis nga maoy nagsilbing police decoy.
Gidakop dayon ang suspek dihang gitunol sa maong suspetsado ang duha ka pakete nga shabu ug gidawat usab niini ang bayad nga P500 nga marked money.
Ang suspetsado kasamtangan karong gibalhog sa sulod sa ilang bilanggoan ug karong Lunes ilang pasakaan og kaso ang maong dinakpan sa kalapasan sa Republic Act 9165 kon Comprehensive Dangerous Drug Act of 2002. (/EIM) (BANAT NEWS)
- Latest
