City Prosecutors gipa-inhibit ni ‘Billy’
CEBU, Philippines - Human gipasakaan og kasong rape diha sa Cebu City Prosecutor’s Office si Romeo Pabroa code name “Billy†ang police marshall sa Witness Protection Security and Benefit Program sa Department of Justice (DOJ), misang-at og motion for voluntary inhibition batok sa tanang prosecutors sa Cebu.
Kahinumduman nga niadtong Agosto 5, 2013 mipasaka og kasong rape ang usa ka 21 anyos nga babaye, nga taga Lapu-lapu City batok kang Pabroa, 42, nga residente sa Carcar City, ang babaye mialegar nga gilugos siya makadaghang higayon ni Pabroa samtang anaa pa siya sa kustodiya sa Witness Protection Program (WPP) sa DOJ.
Matud pa sa abogado ni Pabroa nga si Noel Archival di buot ni Pabroa nga maduhig ang tibuok piskalya sa Cebu ug aron dili sila mapasanginlang bias. Sumala pa ni Archival, bisan unsang orasa makasumitir siya og counter-affidavit ug dako ang purohang dili makakita og basehan ang mga piskal aron iduso ang kaso ngadto sa korte.
Gusto ni Archival nga ang Department of Justice pinangulohan ni DOJ Secretary Leila de Lima maoy motan-aw sa iyang kaso.
Matud pang Archival daghan silang ebidensya ug mga testigo nga makapamatuod nga inosente ug walay kamatuoran ang mga pasangil sa dalaga batok sa iyang kliyente.( /EIM) (BANAT NEWS)
- Latest
