Exemption sa gun ban ipadayon sa brgy. election
CEBU, Philippines - Nagpabilin ang prebilihiyo sa mga naghupot og armas nga exempted sa gun ban sa 2013 midterm election hangtud sa piniliay sa barangay ug Sangguniang Kabataan sa Oktubre 28 niining tuiga.
Ang gihatagan sa mao gihapong prebilihiyo sa Commission on Election (Comelec) di na kinahanglan pa nga mo-renew sa ilang permit to carry.
Kini tungod kay giuyonan man ang paghatag og lugway sa gihuptan nilang permit sa miaging 2013 midterm election.
Nunot usab kini sa Comelec en banc resolution nga naglugway sa validity sa gun ban exemption ngadto sa mga politiko ug mga pribado nga tawo o mga grupo nga nagbaton sa maong permiso.
Si Commissioner Luie Guia sa Comelec mipasabot nga ang Comelec nakahukom sa paghatag og lugway sa validity sa gun ban exemption sa tuyo nga makadaginot sa galastohan ang ilang buhatan.
“The budget given to us is way below what we ask. So, we need to realign some sources so that we can augment the needs of the barangay and SK elections,†ni Guia sa iyang pamahayag. Sa nasayran nga ang Comelec nagtinguha sa pagdugang pa sa ilang pundong salapi alang sa barangay ug SK election pinaagi sa pagpangayo og dugang salapi gikan sa mga barangay kapitan.
Hinuon si Kapitan Nelson Rubio sa barangay Umapad sa dakbayan sa Mandaue miingon nga sila nga mga kapitan nagpaabot lamang og tukmang lagda nga mahimo nilang kabasehan sa ilang pagpagawas og pundong salapi alang sa barangay ug SK Elections. (BANAT NEWS)
- Latest
