COA mibadlong di pausikan ang buhis sa katawhan
CEBU, Philippines - Ang mga opisyal ug kawani sa Cebu City Hall dili na gayud angay nga mag-usik-usik sa kwarta sa katawhan pinaagi sa pagpahigayon og seminar sa mga hotel ug mga beach resort kay may dapit na alang sa maong kalihukan nga giandam ang kagamhanan.
Hapit na usab mahuman ang pag-atop sa “rooftop†nga bahin sa Cebu City Hall executive building ug lapad kaayo ang maong luna nga mahimong anha makapahigayon og party ug uban pa nga kalihukan sama sa training ug seminar.
Ang City Hall daku usab kaayo og social hall nga anaa sa ika-upat nga andana sa Legislative Building, ingon man aduna kini dako kaayo nga conference hall didto sa Barangay Taptap nga sarang magamit kun aduna sila’y seminar ug training.
Ang City Resource Management Development Center (Cremdec) maoy nagdumala sa maong dapit sa Barangay Taptap nga modawat gani og mga private companies nga adto maghimo og seminar sa ilang mga kawani.
Ang Commission on Audit (COA) mibadlong sa mga opisyal sa dakbayan nga dili tukma ang ilang gihimo nga paggasto og kapin sa P11 milyones sa pagpahigayon og training ug seminar nga gihimo gawas sa City Hall.
Ang COA mihulagway nga “extravagant†ang maong kalihukan ug tabla ra nga giusik-usikan ang kwarta sa dakbayan. (/WC) (BANAT NEWS)
- Latest
