Duha gidudahang pushers nasikop

CEBU, Philippines - Duha ka gidudahang drug pushers ang nasikop sa operatiba sa Provincial Anti-Illegal Drugs Special Operations Task Group (PAIDSOTG) sa buy-bust operation sa Barangay Poblacion, Consolacion sa miaging udto.

Ang nadakpan sa maong operasyon mao sila si Reynaldo “Bogart” Damaolao, 34, ug Charfol Gualiza, 24, pulos mulopyo sa Pulangbato, Talamban, siyudad sa Sugbu.

Ang operasyon gipangulohan ni Sr. Insp. Leo Logroño nga miresulta sa pagkasakmit sa duha ka dagkong bulto sa shabu nga mokantidad sa P50,000 ug budol money nga gipa-ipabwan lang og P500, ug duha ka mga cellular phones.

Nakadawat og impormasyon sa ilegal nga kalihukan sa duha ang PAIDSOTG hinungdan sa  gihimong surveillance ug dihang nakompirmar ang report gilusad dayon ang operasyon.

Ang mga suspek anaa na karon sa karsel sa Consolacion Police Station ug pasakaan kini og kasong kalapasan sa Section 5 ug 11 sa RA 9165 o Dangerous Drugs Act of 2002. (/EIM) (BANAT NEWS)