Pitaka nga may sud nga P20 mil gisakiyo sa snatcher

CEBU, Philippines - Puwerting  hilaka  sa  usa  ka dalaga  human  labniha  sa usa  ka wala  hiilhing  snatcher  ang  iyang  pitaka  nga  may  sulod  nga P17,700  didto  sa  dalan Punta Rizal sa barangay Pajo  sa miaging gabii.

Ang biktima mao sila si Mylene Grace Butong, 24, dalaga nga taga sitio Seaside sa nahisgotang barangay.

Samtang  ang  wala hiilhing lalaki nga nag-jacket og itom   maoy  milabni  sa iyang  pitaka.

Si PO1 Edrean  Yontig sa Presinto 3 sa kapolisan sa maong dakbayan  mibutyag  sa  Banat News  nga naglakaw lang ang biktima sa maong lugar paingon sa ilang  balay dihang  mitumaw   ang  snatcher  sa iyang  likod  ug  kalit lang milabni sa pitaka  sa biktima.

Dugang pa ni PO1 Yontig nga nadala sa maong manglabnihay ang pitaka sa biktima nga adunay sulod  nga P11, 700  cash  ug mga ATM  ug nagkalainlaing ID niini.

Matud pa sa biktima nga midagan ang maong  snatcher   ug misakay  dayon  sa   PUJ nga nagbiyahe paingon sa dakbayan sa Mandaue.

Padayon   pa  nga  gipangita  sa kapolisan  ang  maong  snatcher. (BANAT NEWS)