Mga utangan sa Kapitolyo hatagan og tsansa
CEBU, Philippines - Hatagan pa og tsansa ang mga opisyal ug mga kawani sa Kapitolyo nga may unliquidated cash advances sa dili pa ipatuman ang kamandoan sa Commission On Audit nga sila pasakaan og kaso tungod niini.
Kini maoy gipadayag ni provincial legal officer Atty. Orvi Ortega sa mga tigbalita sa miaging adlaw. Matud niya nga mahimong ang mga department heads sa Kapitolyo mao una ang mopadala og demand letters sa ilang mga sakop nga adunay mga bayronon o cash advances.
Apan kadtong magmagahi sa pagbayad mapugos sila sa pagpasaka og kaso batok kanila.
Matud pa nga mokabat sa P11.5 milyones pa ang kawarta sa Kapitolyo nga paninglonon gikan sa mga opisyal ug mga kawani sa nakalabay’ng administrasyonn sa tuig 2012.
Nalakip niini ang giingong P404,928 ni kanhi gobernador ug karon Kong. Gwendolyn Garcia, sa ikatulong distrito sa lalawigan sa Sugbo. (BANAT NEWS)
- Latest
