Mayor Aljun Diamante mihatag projector sa RPSB7

CEBU, Philippines - Usa  ka  digital light  processing projector  ang  nadawat  sa  mga  kapolisan  nga  sakop  sa Regional Public Safety Battalion (RPSB)7  gikan  kang  Mayor Democrito “Aljun” Diamante sa lungsod  sa Tuburan  sa miaging  Biyernes  didto  mismo  sa maong  lungsod. Si Mayor Aljun Diamante   mitunol  niini  nga  kinasingkasing  ngadto  kang S/Supt. Clifford Bajaras Gairanod,  kinsa  maoy  hepe  sa RPSB7  nga  nagbase  sa lungsod  sa Sibonga.

Miingon  si  Mayor Aljun  Diamante  nga  mapasalamaton  kaayo  siya sa  RPSB7  tungod  sa kanunay  nga  pagsuporta  niini  sa  kasamtangang  administrasyon. Gani  bisan  layo  ang  Sibonga  , apan  ang  mga  membro  niini  kanunay  nga  mosuroy  sa lungsod  sa Tuburan  ug  usa  kini  sa nakatampo  og  dako  sa kalinaw  sa maong  lungsod.

Mahinumdoman  nga ang  Tuburan  usa  sa  mga  lugar  sa lalawigan  nga  giharian  kaniadto  sa  mga  rebelding  New People’s Army (NPA).

Apan  gumikan sa  kanunay  nga  pagbantay  sa RPSB7,  sa  pagkakaron  wala  na  ang  grupo  nga  naghatag  og  kahadlok  sa  mga  molupyo  sa Tuburan  ilabi  na  sa mga  kabukiran  niini.

Hinungdan  nga atol  sa mga  kalihukan  sa  inugurasyon  sa duha  ka birthing center  sa Tuburan  sa miaging  Biyernes,  gitunol  ni  Mayor  Aljun  Diamante  ang    usa ka  digital projector  kang  S/Supt. Gairanod  sa tinguha  nga  makatabang  kini  og  dako  sa ilang  operasyon.

Gipalit  kini  gikan  sa kaugalingong  pundo  sa mayor,  kansang  kasingkasing  puno  sa pagkamanggihatagon  ug  manggiluy-on  nga  kinaiya (BANAT NEWS)