Korean carnapped syndicate gikasuhan
CEBU, Philippines - Nakakita og basehan ang Cebu City Prosecutor’s Office aron ipasaka ang kaso batok sa tulo ka mga Korean nationals nga nakalapas sa Anti-Carnapping Act tungod sa ilang kalambigitan sa carnapping incidents dinhi sa Sugbu.
Si State prosecutor Ramon Caresma miakusar nila ni Kim Kyung Hwan, 33,tag-iya sa Suwon Jong Hap Auto Parts Inc., sa Mandaue City ug duha niya ka mga amigo nga sila Jang Hyun Lee, 34 , ug Wonseok Lee, 32, nga nakalapas sa maong balaod.
“Respondents failed to adduce countervailing evidence despite due notice. Accordingly, and there being probable cause from the evidence on hand to hold respondents for trial as charged, it is recommended that the attached indictment be preferred in court,†matud pa sa resolusyon.
Ang mga suspek girekomendar nga makapiyansa og P180,000 kada usa alang sa ilang temporaryong kagawasan.
Ang kanhi sikat nga basketbolistang si Ramon Fernandez, nga residente sa Barangay Kasambagan, Cebu City mao ang mipasaka og kaso batok sa mga suspek.
Enero 19, 2013 dihang ilang nadiskubrehan sayo sa buntag nga nawala na ang ilang Starex Van 2000 model colored gray nga may plakang GGL 639 nga nagkantidad og P420,000 diha sa ilang giparking sa gawas sa ilang balay. Gisumbong niya kini ngadto sa Cebu City Police Office.
Pagkasunod nga adlaw gipahibalo siya sa kapolisan nga nadakpan na ang mga suspek sa siyudad sa Mandaue, ug narekober usab ang iyang sakyanan.
Usa ka Roldan Alesna kinsa maoy tagdumala sa Suwon Jong Hap Auto Parts Inc. miluwat og pamahayag nga siya usa lang ka “dummy owner†ni Hwan ug siya mibutyag usab sa iyang pamahayag nga dunay mga sakyanan nga gimando kaniya ni Hwan nga ipausab ang mga pintal.
Wala sila masayod nga mga kinawat diay kadto nga mga sakyanan. (BANAT NEWS)
- Latest
