Lista sa mga opisyal sa polis nga pilianang hepe sa Talisay gipaabot sa mayor

CEBU, Philippines - Gipaabot  pa  ni    Mayor  Johnny De los Reyes  sa dakbayan  sa Talisay  ang lista sa lima ka mga ngalan sa mga opisyal nga  papilian  og himoong  hepe sa kapolisan sa siyudad.

Apan gibutyag ni De los Reyes nga sa milabay’ng semana  adunay duha ka mga opisyal, usa niini Talisaynon ang miadto  sa iyang buhatan   ug  mi-apply nga mahimong hepe sa kapolisan sa dakbayan.

Matud ni De los Reyes nga naghuwat siya sa listahan sa lima ka mga ngalan  nga papilian   aron  ipuli  nga  hepe sa Talisay City Police Station.

Gibutyag usab ni De los Reyes nga wala pa   niya kini  madawat  kay  wala man usab siya  mangayo  niini sa police provincial headquarters sa  nahisgutang  lista sa lima ka mga ngalan sa mga opisyal nga papilian.

Apan  miingon  kini   nga ang iyang pilion  nga    hepe sa TCPS   mao kadtong  adunay pagbati ug kahingawa sa mga Talisaynon.

Iyang  giklaro  nga wala siya’y negatibong komento sa officer-in-charge karon sa TCPS nga si Superintendent Resty Santos. Kahinumdoman nga si Santos naglingkod kini isip hepe sa Danao City Police Station sulod sa unom ka buwan.

Si Santos  maoy   mipuli kang Superintendent Elmer Lim niadtong milabay’ng buwan.

Si Lim  milingkod usab sulod sa unom ka buwan isip officer-in-charge sa TCPS ug maoy gipuli kang Santos   didto  sa DCPS. (/WC) (BANAT NEWS)