Construction worker giluthang angol sud s a bunk house

CEBU, Philippines - Kritikal ang kahimtang sa usa ka construction worker human  kini pusila  sulod sa ilang  bunk  house  didto sa barangay Pacolob, lungsod sa Dumanjug niadtong Sabado sa alas 2:30 sa kaadlawon.

Ang biktima mao si Franklin Torreon, 27, taga barangay Bagacay, lungsod sa Barili, ug construction worker nga nadistino sa  gipanday  nga  eskuylahan   sa maong lugar.

 Duha ka mga lalaki ang nakit-ang misulod  sa ilang  bunk  house  ug ang usa niini maoy mipusil, duha ka higayon. Si PO2 Ramon Chinel sa Dumanjug  Police Station mibutyag  sa Banat News  nga ang biktima kauban sa iyang mga  kauban sa trabaho nag- inom kini nianang sayo pa sa gabii ug lawom   na nga gabii  nahuman.

Matud pa, samtang mangatulog na unta sila ang duha ka  criminal misulod  sa compound sa Pacolob Elementary School diin  magtrabaho  ang  biktima.

Samtang  naghigda-higda  ang  biktima  sa ibabaw  sa plywood   nga gibanig,  kalit  kining  giluthang  makaduha  ka  higayon.

Human   maigo   ang dughan,  misirit  og  panagan  ang  duha ka  criminal pahilayo  sa maong  lugar.

Ang biktima gihatud dayun sa Barili District Hospital apan gi-transfer sa tambalanan dinhi sa dakbayan sa Sugbo tungod sa seryuso nga kahimtang.

Ang kapulisan nagpangitapa sa nakasibat nga duha ka criminal ug  kasuya  lang  ang gituohan nilang motibo sa krimin. (BANAT NEWS)