Tomboy, kauban gikasohan

CEBU, Philippines - Gipasakaan og kasong kalapasan sa Republic Act 9165 ang usa ka tomboy ug ang nakaeskapo niining kauban  human sila nadakpan atol sa gihimong buy bust operation sa mga sakop sa Presinto 5 sa Mandaue City Police Office.

Ang gikasohan mao sila si Jasmin Mendoza, alyas Bonnie, 48, ug  ang kauban nga nailhan lang sa pangan nga Jay-Ar nga nagpuyo sa purok Orchid  sa barangay Opao sa maong dakbayan.

Ang team sa kapolisan sa Presinto 5 sa Mandaue City Police Office (MCPO) nga gipangulohan ni Police Inspector Antonio Servantes maoy mihimo sa buy bust operation.

Si PO1 Melvin Pelayo nga nahinabi sa Banat News miingon nga dunay mga silingan sa mga suspek ang mireklamo bahin sa pagpamaligya og ilegal nga drugas sa duha.

Human makompirmar sa surveillance operation gilusad dayon ang buy bust operation pinaagi sa pagpalit og usa ka paketeng shabu sa ilang police decoy sa maong mga suspetsado.

Apan una pa nakuptan ang duha, nakadagan na si Jay-Ar ug wala kini maapsi pa.(/EIM) (BANAT NEWS)