9-anyos naunay sa napunitang armas

CEBU, Philippines - Usa ka nuybe anyos nga bata ang nasamdan sa batiis human mabuthi sa armas nga iyang napunitan sa dalan samtang padung na pauli gikan sa ilang eskuylahan diha sa Barangay Bulangsuran sa lungsod sa Samboan.

Si Bryll Estañol, grade 3 nga tinun-an nasamdan sa walang batiis daling gidala sa Malabuyoc District Hospital ug luwas na ang kahimtang.

Matud ni PO1 Ramon Catubig, desk officer, nga si Estañol naglakaw na pauli  gikan mamuhi sa eskwelahan dihang nakit-an niini ang .38 nga revolver sa daplin sa dalan.

Gipunit kini sa bata sa pagtuo nga duwaan ang maong armas apan sa tantong duwa niini nakablitan sa biktima ang gatilyo ug didto buto ang armas igo sa iyang batiis.

“Nagtuo siguro siya nga duwaan…iya sigurong gilubag-lubag unya gikablit,” matud ni Catubig. Ang ginikanan na sa biktima ang midala kaniya sa hospital ug mi-turn over sa armas sa police station.

Si Catubig midugang nga usa ra ka bala ang sulod sa armas kay usa ka slug ra pud ang ilang narekober sa cylinder niini.  Gisuta pa karon sa kapulisan kung si kinsa ang tag-iya sa armas o kung gituyo ba kini sa paglabay sa maong dapit.

“Dugay na man ang armas kay tayaun na pero wa pa ilhi kung kang kinsa,” matud ni Catubig. (BANAT NEWS)