Suliran sa magtiayon husayon sa polis

CEBU, Philippines - Ang  suliran  bahin  sa magtiayon  ug  mga  babaye  nga  nabiktima  sa  illegal recruiter   maoy  kasagarang nasugatan  sa  kapolisan sa tungatunga  nga  bahin niining tuig 2013.

Si  Purisa Tabuac sa City Social Welfare Office (CSWO) sa maong dakbayan nga nahinabi sa Banat News kagahapon  mipadayag nga ilang gihingusgan karon ang pagpasabot sa kababayen-an sa ilang mga katungod nga gihatag kanila.

Dugang pa niya nga may  babaye  nga  nabiktima   sa illegal recruiter  kinsa  aplikante  og trabaho  para  sa gawas  sa nasud.

Si Tabuac miingon nga  matag bulan, adunay  kapin  kun  kulang  20  ka  mga  asawa  ang modangop sa ilang buhatan gumikan   kay   gikulata sa ilang mga bana.

Gipasabot niya nga kadaghanan sa magtiayon nga mag-away   nga mogamit  na  og  kusog  ang  bana,  ila  dayon  kining  husayon. Kun  magkasinabtanay,  magkauli  ra  usab  ug  ilanga  tambagan  ang  bana  nga  di pasakitan  ang  ilang  asawa.

Apan  matud pa ni Tabuac nga adunay magtiayon nga dili na gayud madala nila og husay, ilang  awhagon  ang  asawa  nga  mangandam  alang  sa ipasakang  kaso batok  sa bana  niini  ngadto  sa piskaliya. (/WC)  (BANAT NEWS)