Mangunguot nagtingkagol sa karsel

CEBU, Philippines - Naghilak  sa prisohan  ang  usa  ka  babaye  kinsa  suspetsadong  mangunguot  nga nasikop  sa kapolisan  sa may Oriente Theater  sa dalan Colon,  ning dakbayan  sa Sugbo kagahapon  sa ala 1:30  sa hapon. Si  PO2 Julius  Arellano, imbistigador  sa Waterfront Police Station  miila  sa maong suspek  nga  si Gema Sasan, 27, taga  dalan  Arellano,  siyudad  sa Sugbo.

Ang  biktima  nga gikuotan  sa maong suspek  mao  si  Demecelia Conde, hingkod,  nga  taga  lungsod  sa Daanbantayan.

Gibutyag  ni  PO2 Arellano  sa  Banat News  nga  mikabat  sa P1,500  ang  kuwarta  sa biktima  nga  giingong  gikuot  sa suspetsado.

Matud  pa  niya  nga  ang  suspek  maoy positibong  giila  sa biktima  nga  mikuot  sa iyang  kuwarta  sulod  sa iyang  bag  samtang  nagsakay  siya  og  PUJ. Matud  pa  ni  PO2 Arellano  nga  kasakay  sa biktima  ang  suspek  ug  natiman-an  niini  ang  pagkanaog  niini  sa  Oriente Theater.

Hinungdan  nga  dihang  misumbong ang  biktima   didto  sa ilang  estasyon,  ila  kining gikuyogan  ngadto  sa Oriente  Theater.

Dihang  nakita  niini  ang suspek,  positibo  niining  giila, busa  ila  dayong  giduol  ug  gisikop.

 Karong  adlawa  ihandos  na  sa korte  ang  kiha  batok sa suspetsado,  sumala  ni  PO2 Arellano.  (BANAT NEWS)