Igsuon sa brgy kap gidakop sa PDEA
CEBU, Philippines - Ubay-ubay nga pinaketeng shabu nga mokabat sa P66,000 ang nasakmit sa operatiba sa Philippine Drugs Enforcement Agency (PDEA)-7 sa buy-bust operation batok sa usa ka miyembro sa Oyao group sa miaging adlaw sa Barangay Agus, dakbayan sa Lapu-Lapu.
Si Erlandie Oyao, 46, ug igsuon sa kapitan sa maong barangay nga si Remigio Oyao, ang daling giposasan sa mga operatiba sa PDEA diha sa iyang panimalay. Matud pa nga si Oyao giingong nag-repack sa mga shabu dihang gipahigayon ang maong operasyon.
Ginamit ang boodle money nga adunay duha ka P500 sa ibabaw sa ginunting nga papel mipalit ang operatiba og usa ka bulto nga shabu nga maoy hinungdan sa pagkasikop niini.
“Nihunong pud siya og bahig sa shabu kay nipalit lagi among asset,†matud ni Jessie Tabanao, tigpamaba sa PDEA-7. Nakuha usab sa PDEA ang 54 ka mga gagmay nga pakete ug duha ka pakete sa gituohang cocaine nga wala pa masuta ang balor. (BANAT NEWS)
- Latest
