P4 bilyones kapin ang gahin sa kagamhanan sa 4Ps

 CEBU, Philippines - Mikabat  sa P4 bilyon  kapin  ang  gahin sa kagamhanan  nga  gigahin  sukad  ilusad  niini  ang  Pantawid Pamilya Pilipino Program (4Ps) niadtong  2009 hangtud  karon.

Sumala  ni Brigieda Goron, DSWD Cebu  provincial link  nga   ang maong  kantidad  maoy gisustener  sa  goberno  pagpanghatag  ngadto sa napiling  mga  kabus  sa nasud.

Dinhi sa  Central  Visayas  gibutyag  ni  Goron  nga  may  20,000  kapin  ang  mga  benepisyaryo  sa  4PS    sa unang  hut-ong nga miumento  na  ang  panginabuhi  tungod  sa hinabang  sa kagamhanan  kanila.

Hinuon  sa  unang  set  o  unang  grupo  sa  mga  benepisyaryo  sa maong  programa  sukad  sa  tuig  2009  may  pipila usab  kanila  ang  gitaktak  tungod  sa mga  bisyo.

Miingon  siya  nga  may napapha  gikan sa listahan  sa 4PS  tungod  sa sugal,  ug hubog-hubog.

Apan  kadtong  nagbinuotan  nakalanat  hangtud  karon  nga  miumento  ang  kahimtang  sa panginabuhi  ug  migraduwar  na  ang  mga anak  gikan sa  elementary.ug  high school.

Gani  matud  pa  niya  ila  nang  giandam  ang  gradwasyon  sa maong  mga  benepisyaryo  karong  Disyembre  ning  tuiga.

May  mga   benepisyaryo  nga  nakapaninda  na  og  mantikaang  saging ug  uban  pang   ginagmay  nga  negosyo  sa  kaugalingon  nilang  panikaysikay tungod  kay gipahuwam  sila  sa kagamhanan  pinaagi  sa DSWD  og  puhonan.

Hinuon  gipaningkamotan usab  nilang  mabayran  ang  maong  puhonan  ngadto  sa  kagamhanan. (/WC) (BANAT NEWS)