Bayranang P1,000 nga computer ink imbistigahon?

CEBU, Philippines - Ang bag-ong city administrator sa dakbayan sa Talisay  mibutyag  nga  nakabantay  siya  og  sayop  sa iyang buhatan   nga  nagkinahanglan  og lawom nga pakisusi .

Si Johnyre de los Reyes nga anak ni Mayor Johnny de los Reyes nagkanayon nga   ila  kining  himoan  og  imbistigasyon.

Si Yre maoy mipuli kang Richel Bacaltos isip administrador sa Talisay.

Samtang  si Bacaltos maoy nahimong officer-in-charge sa Talisay City State College.

Matud ni Yre nga usa sa iyang nakitang   sayop  mao nga imbes ang City Planning Development and Coordinator (CPDC) ang in-charge sa zoning , ang kanhi  city administrator mao na hinuon ang nahimong in-charge niini.

Gawas niini nakugang si Yre  kay   matag buwan ang buhatan sa city administrator magbayad og kapin sa P1,000 nga ink sa computer.

Matud ni Yre nga dili siya makatuo nga makahurot sa maong kantidad sa ink sulod sa usa ka buwan ang administrator office.

Gipasabot niya nga isip usa ka custom broker  aduna usab siya’y kaugalingong buhatan ug dili ingon niana kadako ang mahurot nga ink.

Hinuon matud ni Yre nga ang tanang madiskobrehan niya nga mga lapso iyaha una kining ikonsulta sa city legal officer aron mapaubos sa imbestigasyon.  (BANAT NEWS)