Palace of Justice Bldg. peligro

CEBU, Philippines - Gipaabot sa nagdumala sa building sa Palace of Justice dinhi sa syudad sa Sugbo nga ayohon sa Korte Suprema ang gabok ug nangliki na nga sementadong parapets o atubangang babag nga nagkutay sa ibabaw sa building sa Palace of Justice.

Sumala pa sa Building Administrator sa Palace of Justice Isagani Saranillo nga daghan nang mga tipak sa semento ang nangatagak gikan sa ibabaw sa nagbantayog nga edipisyo atubangan sa Palace of Justice. Ang edipisyo nga natukod niadto pang tuig 1990 ug nagagupok na hasta ang mga puthaw nga nagpalig-on niini.

Ang Korte Suprema mipahibawo  nga karong tuiga kasugdan na ang pag-repair sa maong edepisyo. (BANAT NEWS)