Lahugay sa Dept. Heads sa CH gipatuman na ni Rama

CEBU, Philippines - Dugang kausaban sa mga department heads sa Cebu City hall gi-anunsyo kagahapon ni Mayor Michael Rama. Magpabiling city administrator  si Atty. Jose Marie Poblete maoy say gitudlo nga pangulo sa City Planning and Development Office (CPDO).

Ang kanhi city veterinarian Dr. Alice Utlang nga gihulipan sa iyang assistant nga Dr. Pilar Romero, gi-detail sa opisina sa agriculture. “We are giving her what she wants. She will not be back to the veterinary office,” si Rama mibutyag.

Laing department head nga giingong mi-“walkout” mao si kanhi Department of Manpower Development and Placement (DMDP) chief Fidel Magno kinsa gitudlo isip Cebu City Resource Management and Development Center (CREMDEC) chief.

Si kanhi City Disaster Risk Reduction Office (CDRRMO) chief Cathy Yso gitudlo isip hepe sa Operation Second Chance. Sugod usab sa Lunes, mahimo nang finance department in-charge sa Cebu City Medical Center (CCMC) si Arlene Rentusa nga kanhi internal control office chief. Si Rolando Malacora, gikan sa General Service Office (GSO) isip assistant department head, gitudlo na karon isip detailed personnel sa Department of Public Service (DPS).

Ang City Traffic Operations Management Office (CITOM) adunay duha ka bag-ong opisyal. Si Engr. Josefa “Joy” Ylanan, gitudlo ni Rama nga CITOM engineering head samtang si Veronica Morelos mao na ang bag-ong CITOM Admin Head. Si Dr. Fe Cabugao na unya ang modumala sa Guba Emergency Hospital.

Si Florito “Carlo” Dugaduga magpabiling city information office chief ingon man usab ang secretary to the mayor Belinda Navascues, magpabilin usab si CCMC assistant chief Dr. Myrna Go. Walay gianunsyo ang mayor kung hulipan ba ug kinsa ang muhulip kang city treasurer Emma Villarete kansang kontrata mapupos karong July 17. (Jessa Chrisna Marie Jala Agua/EIM) (BANAT NEWS)