HPG-7 midepensa nga wa mosubay sa proseso si Archival.
CEBU, Philippines - Ang Regional Highway Patrol Group (RHPG)-7 midepensa nga wala mosubay sa proseso si Atty. Noel Archival dihang kuhaon unta niini sa miaging adlaw ang Active Hybrid 750 LI BMW sa iyang kliyente nga si Joven Tan Entote.
Kini human mi-protesta si Archival sa buhatan sa RPHU kay matud pa wala gi-release ang maong sakyanan bisan pa man nga aduna siya court order.
Si Supt. Eduardo Mara, deputy sa RHPU-7 mikwestyon kun nganong aduna nay writ of replevin si Archival gikan sa korte nga wala man sila makadawat og summon.
Si Mara midugang nga ang maong sakyanan ebidensiya sa kasong carnapping nga ilang gipasaka batok sa suspek.
Si Archival uban ang court sheriff miadto sa buhatan sa RHPU dala ang court order nga giluwatan ni Regional Trial Court (RTC) Judge Simeon Dumdum sa Branch 7.
Apan nahingangha si Archival dihang ang operation chief sa RHPU nga si Chief Inspector Renny Eguia miingon nga null and void ang maong court order. Ang maong BMW nakarehistro kini sa ngalan ni Maria Paz Yu, mother in law ni Entote kinsa gisikop ug gibilanggo sa kauluhan tungod sa carnapping.
Si Entote gisikop usab sa Presidential Anti-Organized Crime Commission (PAOCC) ug sa Philippine National Police-Highway Patrol Group (PNP-HPG) sa parking lot sa Casino Espanol de Cebu sa dalan V. Ranudo, Barangay Cogon-Ramos, siyudad sa Sugbo sa miaging tuig. (/EIM) (BANAT NEWS)
- Latest
