Gwen ug Davide magtagbo karong adlawa
CEBU, Philippines - Sa unang higayun human sa nilabay nga eleksiyon, sila si Gob. Gwendolyn Garcia ug ang bag-ong gobernador nga si Hilario Davide III magtagbo karong adlawa.
Mga sinaligan ni Davide nga sila si Atty. Mark Tolentino ug Atty. Ramil Abing ang nakigkita kang Garcia kagahapon ug ilang gilibot ang tanang buhatan sa Kapitolyo.
Si Tolentino ang provincial administrator samtang si Abing ang chief of staff ubos sa administrasyon ni Davide.
Matud pa ni Abing nga ilang gihisgutan ang turn-over ug transition nga gikatakda karong Biyernes diin magtagbo pag-usab sila si Garcia ug Davide.
Nakigtagbo usab si Garcia nilang Bokal Alex Binghay, Julian Daan, Sun Shimura ug Jose Ribomapil Holganza Jr. kagahapon ug gihisgutan usab ang maong kalihukan.
“It is very good for the Province of Cebu nga despite sa kagubot sa election period, after the storm naa gihapon nigawas ang rainbow,†matud pang Shimura.
Gani si Shimura mitug-an nga siya ug si Bokal Joven Mondigo Jr. nga parehong kaalyado ni Garcia motambong atol sa inagurasyon ni Davide karong Domingo sa Kapitolyo.
Si Gob. Garcia molingkod usab isip kongresista sa ikatulong distrito human sa iyang pagbiya gikan sa Kapitolyo. (/EIM) (BANAT NEWS)
- Latest
