Samsam Gullas gikulbaan sa Kongreso
CEBU, Philippines - Si Congressman-elect Gerald Anthony “Samsam†Gullas sa unang distrito sa probinsiya miangkon nga gibati siya og kakulba tungod kay ang mga tawo nga iyang makita sa telebisyon makauban na unya niya kini ngadto sa Kongreso.
Gisaad hinuon ni Samsam nga paningkamutan niya nga makakat-on sa mga gimbuhaton isip usa ka kongresista aron dili siya magtanga lang unya.
Kahinumduman nga si Samsam mihural na kini ngadto kang House Speaker Feliciano Belmonte.
“Kulba tungod kay the people I saw every time in TV makauban na nako sila…. Kulba pero I’m willing to accept the challenge… I’m reading the rules of the Congress para I really know what to do para dili pod ko magtanga-tanga didto inig lingkod na unya nako,†ni Samsam pa.
Si Samsam duna unya kini hanas na kaayong chief of staff nga iyang apohan nga si Kongresista Eduardo Gullas.
Matud ni Samsam nga sama kaniadto hangtud nga napili siyang Kongresista karon dili niya usbon ang iyang kinaiyang mapaubsanon.
Gisaad usab sa batan-ong Kongresista nga padayonon niya ang iyang kakugi aron mahatagan pa niya og kalamboan ang kalungsoran ug dakbayan nga ubos sa iyang distrito. (BANAT NEWS)
- Latest
