Eskuylahan sa Mandaue kuwang og fire exit

CEBU, Philippines - Ang kakulang sa fire fighting equipment o kahimanan batok sunog sama  sa fire extinguishers, fire exit ug uban pa, nasuta sa kabomberohan  nga misusi  sa mga pribado ug publikong tulunghaan sa dakbayan  sa Mandaue, sa miaging adlaw.

 Si SFO1  Sherwin Porcia, hepe sa Fire Safety Enforcement Section sa Bureau of Fire Protection (BFP) sa maong dakbayan mipadayag niini human sa ilang paglibot sa maong mga  tulunghaan.

 Dugang pa niya nga pipila ka lawak saringan sa  mga tulunghaan sa elementary ug sekondarya,   kulang  usab  og fire exit.

Gitataw niya nga ang pipila ka mga tulunghaan  may   fire exit  apan  dili usab kaagian tungod sa daghang mga butang nga nagbabag niini.

Si Porcia miingon nga tungod sa maong mga kakulian, wala  nila  aprobahi ang  conversion  nga  giaplayan  sa Ibabao Elementary School.

Namatikdan usab nila ang kalapasan sa pipila ka tulunghaan  hinungdan nga mag-antos usab ang ilang tinun-an sa kaalimuot kay dili man makasulod anghangin.

Ang  kakuwang  sa ventilation  kay mugbo  ang kisami ,  usa  sa kakulangan  sa  plano  sa  pag-ayo  sa  maong    mga lawak  tun-anan.

Si SFO2 Porcia miingon nga gitudloan nila ang mga tinun-an sa  mahinungdanon nilang buhaton sa panahon sa alarma sa sunog.

Giawhag usab nila ang mga magtutudlo sa paggamit sa ilang kampana  sa panahon sa emergency o dinaliang panginahanglan. (BANAT NEWS)