Hubog milugos sa dalagitang gikaibgan

CEBU, Philippines - Usa ka lalaking hubog ang gipadakop sa inahan sa usa ka 17-anyos nga dalagita human pasanginli niining milugos sa anak niadtong Miyerkules sa kaadlawon diha sa Bayanihan Village sa barangay Basak, Pardo.

Kasong rape in relation to RA 7610 o Child Abuse ang ipasaka batok kang Vercez Sator, 24-anyos kinsa nahibaw-ang naibog diay sa biktima.

Sumala pa nga dunay gipaabot ang biktima sa lugar duol sa giimnan sa grupo sa suspek dihang miduol kini og nakigtabi. Nakurat na lang ang dalagita dihang gisakwat siya sa suspek  ug gidala ngilit nga bahin sa lugar ug didto gilugos, diha lang mihunong ang suspek dihang gibadlong sa mga silingan hinungdan sa pagkaratil niini.

Ang suspek nadakpan ra usab dayon ug giingong mihangyo pang pakaslan na lang ang biktima, apan wala mosugot ang ginikanan sa dalagita. (/EIM) (BANAT NEWS)