Drunk driving law ipatuman gyud sa LTO
CEBU, Philippines - Ipatuman gyud sa Land Transportation Office 7 ang balaud batok sa hubog nga magmaneho sa higayun nga madawat na nila ang Implementing Rules and Regulations.
Matud pa ni LTO 7 regional director Raul Aguilos nga kung duna may sugyot sa pag-usab sa maong balaud, dili na kini ilang trabaho kundili sa Kongreso.
Atol sa 888 News Forum sa Marco Polo Plaza kagahapon, gipasabot ni Aguilos nga ang kanindot sa tumong sa balaud ang angayang lantawon.
“Ang importante ani ang personal discipline, proper values. Kung naa nay balaud, hinaut unta nga subay lang ta sa balaud,†matud ni Aguilos.
Matud pa ni Aguilos nga kung duna may mga lokal nga pangagamhanan nga dili mo-kooperar sa pagpatuman sa balaud, dili na kinahanglan sanglit ang LTO ug ang ilang mga deputized agents ang mopatuman niini.
Giawhag ni Aguilos kadtong moinom nga dili na momaneho sa ilang sakyanan o kaha dili mag-inom kung magmaneho.
“Importante gyud is makat-on, ma-edukar ang ato katawhan nga dili na intawon mag-inom kung mo-drive ug dili na mo-drive kung mag-inom,†sumala pang Aguilos.
Ang makalapas sa maong balaud multahan labing dako tunga sa milyon ka pesos ug may priso pa.
Si Presidente Benigno Aquino III mipirma niadtong Mayo 27 sa Republic Act No. 10586, nga gitawag og Act Penalizing Persons Driving Under the Influence of Alcohol, Dangerous Drugs and Other Similar Substances.Ipaubos sa sobriety tests ug breath analyzer (breathalyzer) ang drayber sa sakyanan nga madudahang hubog sa ilang pagmaneho. (BANAT NEWS)
- Latest
