Gikan sa disko gipusposan patay

CEBU, Philippines - Wala  pa  ilhi  ang mamumuno sa usa ka  tawo  nga   gipusposan  patay didto sa highway sa Sitio Bandilaan, barangay Bagay, lungsod sa Daanbantayan niadtong Domingo sa alas 3:00 sa kaadlawon.

Ang biktima nga   napalgang patay na  sa alas   6:00 sa buntag mao si Julito Montesa, hingkod,  nagpuyo sa barangay Bagay, apan lumad nga taga barangay Kanawkanaw lungsod sa Tabogon.

Si PO2 George Banatasa sa Daanbantayan Police Station  mibutyag  sa Banat News   nga  ang biktima katapusang nakit-an nga hubog kaayo  nga  misayaw  sa  diskohan sa Sitio Taytayan,  barangay Bagay   nga nagpista  sa maong  higayon.

Apan   sa pagka- alas 3:00 sa kaadlawon migawas  ang  biktima sa  diskohan   nga nagwandog-wandog sa kahubog ug naglakaw paingon   sa iyang gipuy-an nga distansya lang og 500 metros gikan sa diskohan.

Apan   sumala  ni  PO2 Banatasa   nga  sa pag-abot sa   ngitngit nga bahin   sa karsada  giligid  og  puspos  ang  nagkalainlaing  bahin  sa lawas  niini  gikan  sa ulo,  nawong  ug  uban  pang  parti  sa lawas  nga  maoy  hinungdan  nga  kini  nakuyapan.

Apan  nianang  pagka-alas 6:00  sa buntag,  patay  na  kini  nga nakit-an  sa  mga tawo  nga  nangagi  sa maong  lugar.

Ang kapolisan nga misusi sa hitabo nagtuo nga gisundan ang biktima gikan sa diskohan ug pag-abot sa  maong lugar giligid   kini  og  puspos nga  gigamitan  og  gahi nga butang   nga   maoy nakaingon sa hinanali niining kamatayon.

Ang kapolisan mibalik   sa crime scene kagahapong adlawa aron sa pagpanghipos og dugang impormasyon ug  mga  saksi aron matumbok ang mga responsabli sa krimin ug manubag sa salaod nga ilang gihimo. Gidudahan sa kapolisan nga gisuyaan lang ang biktima.( WC)   (BANAT NEWS)