Factory worker naghikog

CEBU, Philippines - Patay na dihang  nakit-an  ang   usa  ka factory worker nga naghikog sa punoan sa ipil -ipil didto sa barangay Calajoan sa lungsod sa Minglanilla kagahapon sa alas 6:30 sa buntag.

Ang nagpakamatay mao si Narciso Toyor, hingkod, factory worker sa Popular Feedmill Corp.   nga  nagpuyo sa maong lugar.

Si PO2 Nikki Carlo Plarisan sa Minglanilla Police Station mibutyag  sa  Banat News  nga si Teodoro Deparinie,  kauban ni  Toyor  sa trabaho, maoy nakadiskubri sa biktima nga nagbitay ilawom sa punoan sa Ipil-ipil  sa  likod  sa  payag niini.

Diha-diha  gi-report dayon kini  ni Deparinie  sa kapolisan.

Ang  kapolisan  nga  misusi  sa patay’ng  lawas  ni  Toyor  nagtuo  nga  kagahapon  pa  sa kaadlawon  kini  maghikog.

 Sa  bulsa  ni Toyor  nakuotan  sa  kapolisan  ang  us a ka  suicide note   gikan  sa pitaka   niini    nga  nagpasabot  nga  nagbasul  kini  sa iyang  kaugalingon.

Ang kapolisan  padayon pa sa ilang  imbistigasyon   ug mirekomendar  sa  mga tagtungod  nga   ipa-autopsy ang patay’ng lawas  ni Toyor aron  matino  kun  wala  ba kini  patya  og  laing  tawo. (BANAT NEWS)